Das isch dr Röne

Naame: Ruedi Gysin

Künstlernaame: Röne mit ö

 

Geboore: 13.11.2001 in Lieschtel

 

Grössi: ca. 165cm

Figur: e glains Büüchli (Feinkostgewölbe)

Auge: Bruun

Hoor: dunggel blond

Bart: dunggel bruun, rot

Tattoo: Stächpalmeblätter am rächte Unterarm und e Schnitzelbänggler am lingge Oberarm

Raucher: glägehaitligg, vorallem die original Krumme vom Villiger

 

Sprooche: Schwizerdütsch (Baselbieter- / Baslerdialäggt)

 

Usbildig: Schrinerpraggtiger EBA

 

Füehreruswyys: Kategorie G

 

Hobbys: Theater, Fasnacht, Ladäärnemoole, Schnupftabak sammlä

 

Gschicht hinderem Naame: Mir schryybe s Joor 2020 wo dr Ruedi mit syner Waageglygge s erschte s'Schotte-Röggli duregfiehrt hett. Er hett vyyli Hälfer an syner Syte ghaa, wie au die beschti Kollegin vo syner damalige Fründin. Dr Ruedi und die besagti Kollegin hänn sich an sällem Daag zem erschtemool gseh. S zwaitimool isch denn e Wuche spöter an dr erschte abgsaite Fasnacht gsy. Dr Ruedi und sy Fründin mit Kollege sinn z Prattele underwäggs gsy an dr doch no duregfiehrte Baizefasnacht und hänn sichs loo guet goo. Spöter isch denn im Ruedi sy Schwester derzue koo und hett denn d Fründe vom Ruedi sym Schätzli kenne glernt. Numme die beschti Kollegin vom Ruedi syner Fründin hett hald nit gwüsst, ass das im Ruedi sy Schwester isch und stellt ihre dr Ruedi vor aber als Renè. Im Ruedi sy Schwester isch uff dr Zug uffgsprunge und hett gsait: "Jo, aber mit ö!" 

Syt sällem Oobe haisst dr Ruedi jetzt Röne mit ö. Vyyli kenne ihn nur under sällem Naame und sinn verwirrt wenn sy mol dr richtig Naame hööre.