s'Schotte-Röggli

s'Schotte-Röggli isch d Vorfasnachtsveraastaltig gsi, wo dr Röne mit ö zem 5. Geburtsdaag vo sym damalige Schnitzelbangg ins Läbe gruefe hett.

Ändi Februar 2020, also kurz vor dr erschte Corona-Fasnacht, isch s'Schotte-Röggli in dr ADH z Prattele s erschti mool iber d Bühni gange.

Dr Röne mit ö hett vo Aafang aa (fascht) alli Rahmestiggli sälber gschriebe und gspielt. Das haisst pro Obe hett er sicher ca 10 mool sy Goschdym gwächslet und isch vo ainer Rolle in die näggscht gstiege.

Am s'Schotte-Röggli hett me nodyyrligg nit nur dr Röne mit ö gsee, sondern au immer zwische 8 und 12 Schnitzelbängg us dr Region, ai Gugge und e Duudelsaggformation.

Noch 10 Joor Waagefasnacht hett dr Röne aber gnueg ghaa und dr Ustritt gää. Somit isch s'Schotte-Röggli 2025 au s letschte gsii.

Dr Röne mit ö bedanggt sich härzliggscht by allne wo ihn die 5 Vorstellige beglaitet hänn!