My Fasnachtskunst

Ladäärne

Dr Röne mit ö geladiert sys erschti Ladäärnli
Dr Röne mit ö geladiert sys erschti Ladäärnli

Im Joor 2022 hett dr Röne s erschtimool ze Stoff und Geladine griffe und e aige Ladäärnli gmacht.

Dr Roman B. isch e erfaarene Ladäärnemooler und hett das Kunsthandwärgg im Röne mit ö bybrocht.

 

Dr Röne hett sythär scho ainigi Uffträäg deerfe fir divärsi Kunde mache. Vo glaine Tischladäärnli, iber Stäggeladäärne, ze Wandladäärnli oder au grössere fir in Guggekäller oder denn au fir e Summerfasnacht und fir d Basler Fasnacht hett er scho gmoolt.

E ganz spezielle Ufftrag isch vom Theater Rampeliecht Fränkedorf koo. Drey Lyynwänd als Bühnebild, gmoolt wie e Ladäärne. Ai Lyynwand soll anderscht hindermoolt wärde, ass wenn d Belyychtig aagoot, dr Himmel e anderi Stimmig bykunnt. Alli sinn gspannt gsy wo s Liecht s erschtimool ahgange isch, obs au wirggligg funggtioniert. Und es hett funggtioniert!

 

Do sehsch jetzt no ainigi vo myne Ladäärnli:

S erschti Ladäärnli vom Röne mit ö. Dr Schnitzelbangg Stächpalme isch sy grosses Vorbild und dorum au uff em erschte Ladäärnli
S erschti Ladäärnli vom Röne mit ö. Dr Schnitzelbangg Stächpalme isch sy grosses Vorbild und dorum au uff em erschte Ladäärnli
Ladäärne fir in Käller vo dr Guggemuusig Rhy-Pirate
Ladäärne fir in Käller vo dr Guggemuusig Rhy-Pirate

Helge

Syt Ahfang aa moolt dr Röne mit ö d Helge vo sym Bangg sälber. Er moolt aber au Helge uff Ufftrag macht aber au Zaichnige mitem Ryssblei
Syt Ahfang aa moolt dr Röne mit ö d Helge vo sym Bangg sälber. Er moolt aber au Helge uff Ufftrag macht aber au Zaichnige mitem Ryssblei
Morgestraich-Helge mit Ryssblei und Farbstift
Morgestraich-Helge mit Ryssblei und Farbstift

Zoggeli

Zoggeli fir d Guggemuusig CB-Schnooger
Zoggeli fir d Guggemuusig CB-Schnooger

Wettsch au ebbis vom Röne haa?

Via Kontaggtformular kasch du im Röne mit ö e Aafroog schigge fir dys individuelle Ladäärnli, dyni exklusive Zoggeli oder dy persönligg Helge.


Dr Röne feyt sich iber jedi Aafroog.

Zem Kontaggtformular