im Röne sy groossi Liebi

Dr Röne mit ö hett scho als glaine Bueb d Fasnacht im Bluet ghaa. 

Sy Grossbabbe dr Stephan isch jo schliessligg au e Mitgründer vo dr Guggemuusig Nachtfalter Schränzer Prattele gsy.

Syt als glaine Goof isch dr Röne immer an d Prattler Fasnacht gange goo dr Umzug mitem ahschliessende Guggekonzärt luege und zoobe denn goo Schnitzelbängg loose.

Am Zyschtig an dr Chinderfasnacht z Prattele hett denn dr Röne immer by de Güllärugger uff dr Waage dèèrfe.

Dyhaim hett er denn immer mit syne CD's Guggekonzärtli gmacht und hett mit sälbergmoolte Helgeli Schnitzelbängg nochegsunge.

Im 2015 isch denn mit baar Schuelkollege d Idee koo e Glygge z gründe und au sälber z Bängglä. So isch denn 2016 die erschti aggtivi Fasnacht gsy. Mit 14 also isch dr Röne s erscht mool ellaige uff d Gass als Bangg.

2020 hett s erscht mol s'Schotte-Röggli statt gfunde. Dasch e Vorfasnachtsveraastaltig wo zem 5. Geburtsdaag vom Röne sym Schnitzelbangg ins Lääbe gruefe worde isch. Dr Röne mit ö schrybt alli Rahmestüggli sälber (mit ai zwai Usnahme bis jetzt), fiehrt Regie, stooht uff dr Bühni und organisiert s ganze 2.5 bis 3 stündige Program.

Im 2022 hett dr Röne bym Roman B. glernt wie me duet Ladäärne moole.

Syt 2023 schrybt dr Röne mit ö fir diversi Glygge, Wääge und Gugge dr Zeedel und dr Ydraag fir dr Rädäbäng.

Wenn mee wettsch wisse iber gwissi Sache, kasch aifach uff die jewyylige Links drugge.